Ny informasjonsleiar

Monika Goa er tilsett som informasjonsleiar i Den indre Sjømannsmisjon. Ho starta i stillinga 1. januar 2026.

AV: Ingrid Helland

INFORMASJONSLEIAR: Monika Goa frå Sandnes i Rogaland. Foto: Isabel Goa.

Monika har ein allsidig bakgrunn med utdanning frå Misjonshøgskolen (no VID) i Religion og Interkulturell kommunikasjon. Ho har jobba i NMSU (NMS sin barne- og ungdomsorganisasjon), Frelsesarmeen, DNK og NAV kontaktsenter. Ein del av det har vore informasjonsarbeid.

- Den mest relevante erfaringa er frå mi tid som Informasjons- og fadderansvarleg for Misjonsalliansen i Bolivia, skriv Monika Goa i ein e-post til Trygg Havn.

Den nye informasjonsleiaren er gift og har to døtre på 10 og 12 år (snart 11 og 13). Familien går i ImF forsamlinga Fredheim Arena.
Det er ikkje snakk om å flytta til Bergen og til hovudkontoret. I vår moderne tid kan jobben like godt gjerast frå Sandnes der familien bur.

Monika Goa tar over etter Ingrid Helland, som etter kvart går av med pensjon.
Vi ønsker Monika Guds rike velsigning i tenesta!